ప్రతి ఒక్కరికి సొంతంగా కారు కొనుగోలు చేయాలని కల ఉంటుంది. వారి సొంత కారు కల నిజం చేసుకోవాలనే మధ్య తరగతి కస్టమర్లకు జూలై నెల అద్బుతమైన అవకాశాన్ని అందజేస్తోంది. దేశంలో అత్యధికంగా కార్లను తయారు చేసే ఆటోమొబైల్ దిగ్గజం మారుతి సుజుకి తన పాపులర్ మోడళ్ల మీద ఈ జూలై నెలలో భారీ డిస్కౌంట్లను ప్రకటించింది.

ఇందులో భాగంగా కంపెనీకి చెందిన మోస్ట్ డిమాండ్ హ్యాచ్ బ్యాక్ కారు మారుతి సెలెరియో (Maruti Suzuki Celerio) మీద కస్టమర్లకు బంపర్ ఆఫర్లు లభిస్తున్నాయి. ఈ నెలలో అమ్మకాల్లో భాగంగా సెలెరియో కారు కొనుగోలు చేసే కస్టమర్లు గరిష్టంగా రూ.37500 వరకు ఆదా చేసుకోవచ్చు. ఈ స్పెషల్ ఆఫర్ కింద కంపెనీ అందిస్తున్న నగదు బహుమతి(క్యాష్ డిస్కౌంట్)తో పాటు ఎక్స్ఛేంజ్ బోనస్, కార్పోరేట్ డిస్కౌంట్ల వంటి ఇతర బెనిఫిట్స్ కూడా కలిసి ఉన్నాయి.

ఆకట్టుకునే డిజైన్, అదిరిపోయే ఫీచర్లు
మారుతి సుజుకి సెలెరియో తన స్పెషల్ డిజైన్, బడ్జెట్ ధర, అద్భుతమైన ఫీచర్ల కారణంగా భారతీయ వినియోగదారులలో విపరీతమైన ఆదరణ పొందింది. ఈ కారు ఎక్స్ టీరియర్ పరిశీలిస్తే, ముందు భాగంలో స్టైలిష్ ఫ్రంట్ గ్రిల్, స్పోర్టీ లుక్ ఇచ్చే హెడ్‌ల్యాంప్‌లు, మోడ్రన్ అల్లాయ్ వీల్స్ అమర్చారు. అంతే కాకుండా ఈ కారు ఇంటీరియర్ కూడా చాలా రిచ్‌గా ఉంటుంది.

ఇందులో స్మార్ట్‌ఫోన్ కనెక్టివిటీని సపోర్ట్ చేసే 7-ఇంచుల టచ్‌స్క్రీన్ ఇన్‌ఫోటైన్‌మెంట్ సిస్టమ్ ప్రధాన ఆకర్షణగా నిలుస్తుంది. ప్రయాణాల్లో ఎక్కువ లగేజీని తీసుకెళ్లడానికి వీలుగా ఈ చిన్న సెలెరియో కారులో ఏకంగా 313 లీటర్ల భారీ బూట్ స్పేస్ కల్పించడం విశేషం.

గ్లోబల్ ఎన్‌క్యాప్‌లో 3-స్టార్ రేటింగ్
ఒకప్పుడు మారుతి సుజుకీ కార్లలో వెళ్తే సేఫ్టీనే ఉండదన్న టాక్ గట్టిగా ఉండేది. కానీ ప్రత్యర్థి కంపెనీలకు పోటీగా ఇప్పుడు సేఫ్టీ విషయంలో సెలెరియో కారు మునుపటి కంటే చాలా మెరుగుపడింది. కస్టమర్ల ప్రాణాల రక్షణను దృష్టిలో పెట్టుకుని కంపెనీ ఇప్పుడు ఈ కారు బేస్ వేరియంట్ నుంచే అన్ని మోడళ్లలో 6 ఎయిర్‌బ్యాగ్‌లను స్టాండర్డ్‌గా (కంపల్సరీగా) అందిస్తోంది.

అదేవిధంగా యాంటీ-లాక్ బ్రేకింగ్ సిస్టమ్ (ABS), ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్ (EBD), వెనుక భాగంలో పార్కింగ్ సెన్సార్లు, స్పీడ్ అలర్ట్ సిస్టమ్ వంటి ఎమర్జెన్సీ సేఫ్టీ ఫీచర్లు ఉన్నాయి. గ్లోబల్ ఎన్‌క్యాప్ (Global NCAP) నిర్వహించిన ఇటీవలి క్రాష్ టెస్టుల్లో ఈ కారు అద్భుతమైన ప్రదర్శన కనబరిచి 3-స్టార్ సేఫ్టీ రేటింగ్‌ను సొంతం చేసేసుకుంది.

లీటరుకు ఏకంగా 35 కిమీ పైగా మైలేజ్
పర్ఫామెన్స్ పరంగా చూసుకుంటే సెలెరియోలో 1.0-లీటర్ నెక్స్ట్-జనరేషన్ కె-సిరీస్ పెట్రోల్ ఇంజన్‌ను ఉపయోగించారు. ఇది 66 బ్రేక్ హార్స్‌పవర్ (bhp), 89 న్యూటన్ మీటర్ల (Nm) టార్క్‌ను ఉత్పత్తి చేస్తుంది. ఇందులో 5-స్పీడ్ మ్యాన్యువల్, ఆటోమేటిక్ (AMT) గేర్ బాక్స్ ఆప్షన్లు అందుబాటులో ఉన్నాయి. మైలేజ్ పరంగా ఈ కారుకు తిరుగులేదు.

పెట్రోల్ మ్యాన్యువల్ వేరియంట్ లీటరుకు 25.24 కిమీ, ఆటోమేటిక్ వేరియంట్ 26.68 కిమీ మైలేజ్ అందిస్తాయి. అలాగే పర్యావరణ హితంగా ఉండే దీని సీఎన్‌జీ (CNG) మోడల్ 56 bhp పవర్‌తో కేజీ సీఎన్‌జీకి ఏకంగా 35.6 కిలోమీటర్ల మైలేజ్ ఇస్తుంది. ప్రస్తుతం మార్కెట్లో కియా సోనెట్ లాంటి కార్లతో పాటు ఇతర కంపెనీలకు గట్టి పోటీ ఇస్తున్న సెలెరియో ప్రారంభ ఎక్స్-షోరూమ్ ధర కేవలం రూ.4.69 లక్షల నుంచి ప్రారంభమై టాప్ ఎండ్ మోడల్ ధర రూ.6.73 లక్షల వరకు ఉంటుంది.