పెట్రోల్ ధరలు పెరుగుతున్న నేపథ్యంలో వాహనం కొనుగోలు చేసే చాలా మంది ఇప్పుడు ముందుగా చూసేది మైలేజ్. రోజూ ఉద్యోగానికి వెళ్లేవారు, చిన్న వ్యాపారాలు చేసేవారు, గ్రామీణ ప్రాంతాల్లో ఎక్కువ దూరం ప్రయాణించేవారు తక్కువ ఖర్చుతో ఎక్కువ దూరం వెళ్లే బైక్లకే ప్రాధాన్యం ఇస్తున్నారు. ఇలాంటి సమయంలో భారత మార్కెట్లో ఎక్కువ మైలేజ్ ఇచ్చే కమ్యూటర్ బైక్ల గురించి మాట్లాడితే ముందుగా గుర్తుకు వచ్చే పేరు బజాజ్ ప్లాటినా (Bajaj Platina). తక్కువ నిర్వహణ ఖర్చు, నమ్మకమైన పనితీరు, అద్భుతమైన ఇంధన సామర్థ్యంతో ఈ బైక్ ఎన్నో ఏళ్లుగా లక్షలాది మంది భారతీయుల విశ్వాసాన్ని గెలుచుకుంటూ వస్తోంది. పట్టణాలకే పరిమితం కాకుండా చిన్న పట్టణాలు, గ్రామీణ ప్రాంతాల్లో కూడా ప్లాటినా మంచి ఆదరణ పొందింది.
ప్రతిరోజూ ఎక్కువ దూరం ప్రయాణించే వారికి ఇది ఖర్చు తగ్గించే సహచరంగా మారింది. అందుకే ఉద్యోగులు, డెలివరీ ఎగ్జిక్యూటివ్లు, రైతులు, చిన్న వ్యాపారులు వంటి విభిన్న వర్గాల వారు ఈ బైక్ను ఎక్కువగా ఎంచుకుంటున్నారు. ప్రస్తుతం బజాజ్ ప్లాటినాను కంపెనీ ప్లాటినా 100, ప్లాటినా 110 అనే రెండు వేరియంట్లలో విక్రయిస్తోంది. వీటిలో ముఖ్యంగా ప్లాటినా 100 బడ్జెట్ సెగ్మెంట్లో అత్యంత ప్రజాదరణ పొందిన మోడల్గా నిలిచింది.
భారత మార్కెట్లో సుమారు రూ.67,840 (ఎక్స్-షోరూమ్) ప్రారంభ ధరతో లభించే ఈ బైక్, తక్కువ బడ్జెట్లో నమ్మకమైన టూవీలర్ వాహనాన్ని కోరుకునే వారికి మంచి ఎంపికగా మారింది. ధర తక్కువ అయినప్పటికీ, డిజైన్ విషయంలో కంపెనీ ఎలాంటి రాజీ పడలేదు. ముందుభాగంలో స్టైలిష్ హెడ్ల్యాంప్, ఆకర్షణీయమైన LED DRLలు, స్పష్టమైన డిజైన్తో ఉన్న టెయిల్ ల్యాంప్ ఈ బైక్కు ఆధునిక రూపాన్ని తీసుకొచ్చాయి.
పనితీరు విషయానికి వస్తే, ప్లాటినా 100లో 102 సీసీ పెట్రోల్ ఇంజిన్ అందించారు. ఇది 4-స్పీడ్ గేర్బాక్స్తో జతచేయబడి రోజువారీ ప్రయాణాల్లో స్మూత్, నమ్మకమైన డ్రైవింగ్ అనుభవాన్ని అందిస్తుంది. నగర రోడ్లపై ట్రాఫిక్లోనూ, గ్రామాణాల్లో ఈ బైక్ సులభంగా నడిచేలా ట్యూన్ చేయబడింది. ప్లాటినా అసలు బలం మైలేజ్. రైడింగ్ పరిస్థితులను బట్టి ఈ బైక్ లీటర్కు సుమారు 75 నుంచి 90 కిలోమీటర్ల వరకు మైలేజ్ అందించగలదని చెబుతారు.
బజాజ్ ప్లాటినా 110 మరింత శక్తివంతమైన బైక్ను కోరుకునే వారి కోసం కంపెనీ అందిస్తున్న మరో మంచి ఎంపిక. ఈ మోడల్ సుమారు రూ.69,284 నుంచి రూ.74,214 (ఎక్స్-షోరూమ్) ధర రేంజ్లో లభిస్తోంది. డిజైన్ పరంగా కూడా ప్లాటినా 110 ఆకట్టుకునే విధంగా ఉంటుంది. ముందుభాగంలో LED హెడ్ల్యాంప్, ఆకర్షణీయమైన LED డేటైమ్ రన్నింగ్ లైట్లు(DRLs), వెనుక స్టైలిష్ LED టెయిల్ ల్యాంప్ ఈ బైక్కు కొత్త రూపాన్ని తీసుకొచ్చాయి.
సాధారణ కమ్యూటర్ బైక్ అయినప్పటికీ, ఈ లైటింగ్ సెటప్ వల్ల ప్రీమియం మోడల్లా కనిపిస్తుంది. నగర రోడ్లపై ప్రయాణిస్తున్నప్పుడు కూడా దీని డిజైన్ ప్రత్యేకంగా కనిపిస్తూ మంచి రోడ్ ప్రెజెన్స్ను అందిస్తుంది. పనితీరు విషయానికి వస్తే, ప్లాటినా 110లో 115.45 సీసీ పెట్రోల్ ఇంజిన్ అందించారు. ఈ ఇంజిన్కు 4 స్పీడ్ గేర్బాక్స్ జతచేయబడింది. రోజువారీ ప్రయాణాల్లో స్మూత్ పనితీరుతో పాటు అవసరమైన సమయంలో తగిన శక్తిని కూడా అందిస్తుంది.
ముఖ్యంగా నగర ట్రాఫిక్తో పాటు గ్రామీణ రోడ్లపై కూడా ఈ బైక్ సౌకర్యవంతమైన రైడింగ్ అనుభవాన్ని ఇస్తుంది. మైలేజ్ పరంగా కూడా ప్లాటినా 110 నిరాశపరచదు. ఈ మోడల్ లీటర్కు సుమారు 70 కిలోమీటర్ల వరకు అందిస్తుందని కంపెనీ పేర్కొంటోంది. కమ్యూటర్ బైక్ సెగ్మెంట్లో ఇది మంచి మైలేజ్గా పరిగణించబడుతుంది. ఈ రెండు ప్లాటినా మోడళ్లు తక్కువ ఖర్చలో మంచి పనితీరు అందిస్తాయి.
