పాన్ ఇండియా స్టార్ ప్రభాస్ ప్రస్తుతం వరుస క్రేజీ ప్రాజెక్టులతో ఫుల్ బిజీగా గడుపుతున్నారు. బ్యాక్ టు బ్యాక్ షూటింగ్‌లతో క్షణం తీరిక లేకుండా ఉన్న డార్లింగ్ ఇప్పుడు ఒక చిన్న విరామం తీసుకోబోతున్నారు. ప్రస్తుతం హైదరాబాద్‌లో సందీప్ రెడ్డి వంగా దర్శకత్వంలో తెరకెక్కుతున్న ప్రతిష్టాత్మక చిత్రం ‘స్పిరిట్’ షూటింగ్‌లో ప్రభాస్ పాల్గొంటున్నారు. ఈ షెడ్యూల్‌లో హీరో ప్రభాస్, హీరోయిన్ త్రిప్తి డిమ్రి కాంబినేషనల్ సీన్స్‌తో పాటు కొన్ని హై-వోల్టేజ్ యాక్షన్ సీక్వెన్స్‌లను కూడా చిత్ర యూనిట్ శరవేగంగా చిత్రీకరిస్తోంది.

అయితే ఈ స్పిరిట్ లేటెస్ట్ షెడ్యూల్ పూర్తి కాగానే ప్రభాస్ ఒక స్మాల్ బ్రేక్ ఇవ్వనున్నారు. సుమారు 10 రోజుల పాటు వెకేషన్ కోసం ఆయన యూరప్ వెళ్లనున్నట్లు ఇండస్ట్రీ వర్గాల సమాచారం. నిరంతర షూటింగ్‌ల వల్ల వచ్చిన అలసటను దూరం చేసుకునేందుకు, సరికొత్త ఎనర్జీతో తిరిగి వచ్చేందుకు డార్లింగ్ ఈ 10 రోజుల యూరప్ టూర్‌ను ప్లాన్ చేసుకున్నారు. ఈ చిన్న విరామం తర్వాత ప్రభాస్ మళ్లీ ఇండియాకు తిరిగి వచ్చి తన సినిమాలపై పూర్తి ఫోకస్ పెట్టనున్నారు.

యూరప్ పర్యటన ముగించుకుని తిరిగొచ్చిన వెంటనే ప్రభాస్ తన పూర్తి ఫోకస్‌ను హను రాఘవపూడి దర్శకత్వంలో వస్తున్న ‘ఫౌజీ’ సినిమాపై పెట్టనున్నారు. పీరియడ్ డ్రామాగా భారీ బడ్జెట్‌తో రాబోతున్న ఈ చిత్రంతో ఇమాన్వి హీరోయిన్‌గా టాలీవుడ్‌కు పరిచయమవుతోంది. ఇప్పటికే ఈ సినిమా షూటింగ్ చివరి దశకు చేరుకుంది. అందుకే ఇండియాకు రాగానే మొదటగా ఈ ‘ఫౌజీ’ బ్యాలెన్స్ షూటింగ్‌ను కంప్లీట్ చేయాలనే ప్లానింగ్‌లో డార్లింగ్ ఉన్నట్లు తెలుస్తోంది.

ఈ షెడ్యూల్స్ అన్నింటినీ చక్కబెట్టిన తర్వాత ప్రభాస్ మళ్లీ ‘స్పిరిట్’ సినిమాను పూర్తి చేసే పనిలో పడతారు. ఆ తర్వాత బాక్సాఫీస్ వద్ద సరికొత్త రికార్డులు సృష్టించిన గ్లోబల్ హిట్ ‘కల్కి 2898 AD’ సీక్వెల్ అయిన ‘కల్కి 2’ సెట్స్‌లో జాయిన్ అవుతారు. ఆ తర్వాత ప్రశాంత్ నీల్ దర్శకత్వంలో రాబోయే ‘సలార్ 2’ షూటింగ్ కూడా లైన్లో ఉంది. ఇలా ఒకటి కాదు రెండు కాదు ఏకంగా నాలుగు భారీ పాన్ ఇండియా సినిమాల లైనప్‌తో ప్రభాస్ రాబోయే రోజుల్లో ప్రేక్షకులను అలరించడానికి సిద్ధమవుతున్నారు. అందుకే ఈ బిజీ లైఫ్ నుండి కాస్త రిలాక్స్ అవ్వడానికి డార్లింగ్ ఈ చిన్న వెకేషన్ ట్రిప్ వేస్తున్నారు.

Prabhas, Europe Vacation, Spirit, Fauzi, Kalki 2