“కాటన్ కార్పొరేషన్ ఆఫ్ ఇండియా” తీపికబురు.. భారీ జీతంతో ఉద్యోగాలు !!
ప్రభుత్వ రంగ సంస్థలో ఉద్యోగం సాధించాలని లక్ష్యంగా పెట్టుకున్న నిరుద్యోగ యువతకు కాటన్ కార్పొరేషన్ ఆఫ్ ఇండియా లిమిటెడ్ (CCI) శుభవార్త చెప్పింది. దేశవ్యాప్తంగా ఉన్న వివిధ కార్యాలయాల్లో ఖాళీగా ఉన్న 148 పోస్టుల భర్తీకి సంస్థ షార్ట్ నోటిఫికేషన్ విడుదల చేసింది. అసిస్టెంట్ మేనేజర్, మేనేజ్మెంట్ ట్రైనీ, జూనియర్ కమర్షియల్ ఎగ్జిక్యూటివ్, జూనియర్ అసిస్టెంట్ వంటి పలు విభాగాల్లో ఈ నియామకాలు చేపట్టనున్నారు. ఆసక్తి, అర్హత కలిగిన అభ్యర్థులు జులై 9, 2026 నుంచి జులై 24, 2026 వరకు ఆన్లైన్లో దరఖాస్తు చేసుకోవచ్చు.
కాటన్ కార్పొరేషన్ ఆఫ్ ఇండియా (CCI) దేశంలో పత్తి కొనుగోలు, నిల్వ, మార్కెటింగ్ కార్యకలాపాలను నిర్వహించే కేంద్ర ప్రభుత్వ రంగ సంస్థ. ఈ సంస్థలో ఉద్యోగం లభిస్తే స్థిరమైన వేతనం, కేంద్ర ప్రభుత్వ నిబంధనల ప్రకారం అలవెన్సులు, కెరీర్ ఎదుగుదలకు మంచి అవకాశాలు లభిస్తాయి. అందుకే ఈ నోటిఫికేషన్పై దేశవ్యాప్తంగా నిరుద్యోగులు ఆసక్తి చూపిస్తున్నారు. అభ్యర్థులు పూర్తి నోటిఫికేషన్ కోసం కాటన్ కార్పొరేషన్ ఆఫ్ ఇండియా అధికారిక వెబ్సైట్ cotcorp.org.in ను సందర్శించాలని అధికారులు సూచించారు.
మొత్తం పోస్టులు..
148
ఖాళీల వివరాలు..
అసిస్టెంట్ మేనేజర్ (ఆఫీషియల్ లాంగ్వేజ్) – 1
అసిస్టెంట్ మేనేజర్ (ఇన్ఫర్మేషన్ టెక్నాలజీ) – 1
మేనేజ్మెంట్ ట్రైనీ (మార్కెటింగ్) – 8
మేనేజ్మెంట్ ట్రైనీ (అకౌంట్స్) – 8
జూనియర్ కమర్షియల్ ఎగ్జిక్యూటివ్ – 50
జూనియర్ అసిస్టెంట్ (అకౌంట్స్) – 50
జూనియర్ అసిస్టెంట్ (కాటన్ టెస్టింగ్ ల్యాబ్) – 30
విద్యార్హతలు..
ప్రతి పోస్టుకు వేర్వేరు విద్యార్హతలు నిర్ణయించారు.
అసిస్టెంట్ మేనేజర్ పోస్టులకు సంబంధిత విభాగంలో పీజీ డిగ్రీ లేదా ప్రొఫెషనల్ అర్హత ఉండాలి.
మేనేజ్మెంట్ ట్రైనీ (మార్కెటింగ్) పోస్టుకు అగ్రి-బిజినెస్ మేనేజ్మెంట్లో MBA లేదా వ్యవసాయ సంబంధిత మేనేజ్మెంట్ డిగ్రీ ఉండాలి.
మేనేజ్మెంట్ ట్రైనీ (అకౌంట్స్) పోస్టులకు CA/CMA లేదా సమానమైన ప్రొఫెషనల్ అర్హత అవసరం.
జూనియర్ కమర్షియల్ ఎగ్జిక్యూటివ్ పోస్టులకు వ్యవసాయం లేదా సంబంధిత విభాగంలో డిగ్రీ అర్హత ఉండే అవకాశం ఉంది. పూర్తి వివరాలు అధికారిక నోటిఫికేషన్లో చూడాలి.
జూనియర్ అసిస్టెంట్ (అకౌంట్స్) పోస్టులకు B.Com లేదా అకౌంట్స్కు సంబంధించిన అర్హత అవసరం.
జూనియర్ అసిస్టెంట్ (కాటన్ టెస్టింగ్ ల్యాబ్) పోస్టులకు సైన్స్ లేదా సంబంధిత టెక్నికల్ విభాగంలో డిగ్రీ/డిప్లొమా ఉండాలి.
వయోపరిమితి..
అభ్యర్థుల వయస్సు కనీసం 18 సంవత్సరాలు, గరిష్టంగా 30 సంవత్సరాలు ఉండాలి. కేంద్ర ప్రభుత్వ నిబంధనల ప్రకారం SC, ST, OBC, దివ్యాంగులు (PwBD), మాజీ సైనికులకు వయో సడలింపు వర్తిస్తుంది.
దరఖాస్తు విధానం..
అభ్యర్థులు ఆన్లైన్ విధానంలో మాత్రమే దరఖాస్తు చేయాలి. దరఖాస్తు సమయంలో వ్యక్తిగత వివరాలు, విద్యార్హతలు, అవసరమైన సర్టిఫికెట్లు, ఫోటో, సంతకం వంటి వివరాలను అప్లోడ్ చేయాలి. దరఖాస్తు సమర్పించే ముందు అన్ని వివరాలను ఒకసారి పరిశీలించడం మంచిది.
ఎంపిక విధానం..
ఈ నియామక ప్రక్రియను రెండు దశల్లో నిర్వహిస్తారు.
కంప్యూటర్ ఆధారిత రాత పరీక్ష (CBT)
పత్రాల ధృవీకరణ (Document Verification)
రాత పరీక్షలో సాధించిన మెరిట్ ఆధారంగా అభ్యర్థులను తదుపరి దశకు ఎంపిక చేస్తారు. అవసరమైతే సంస్థ నిబంధనల ప్రకారం ఇతర పరీక్షలు లేదా ఇంటర్వ్యూలు కూడా నిర్వహించే అవకాశం ఉంటుంది.
దరఖస్తు గడువు..
ఆన్లైన్ దరఖాస్తుల ప్రారంభం: జులై 9, 2026
దరఖాస్తుల చివరి తేదీ: జులై 24, 2026
దరఖాస్తు చివరి తేదీ వరకు వేచి ఉండకుండా ముందుగానే అప్లై చేయడం మంచిది. చివరి రోజుల్లో వెబ్సైట్పై అధిక ట్రాఫిక్ కారణంగా సాంకేతిక సమస్యలు ఎదురయ్యే అవకాశం ఉంటుంది.
వేతనం & ఇతర ప్రయోజనాలు..
ఎంపికైన అభ్యర్థులకు పోస్టు ఆధారంగా కేంద్ర ప్రభుత్వ నిబంధనల ప్రకారం ఆకర్షణీయమైన వేతనం, డీఏ, హెచ్ఆర్ఏ, మెడికల్ సదుపాయాలు, పీఎఫ్, గ్రాట్యుటీ వంటి ఇతర అలవెన్సులు కూడా లభిస్తాయి. పూర్తి పే స్కేల్ వివరాలు అధికారిక నోటిఫికేషన్లో వెల్లడించనున్నారు.
