అఖిల్ అక్కినేని నటించిన లేటెస్ట్ మూవీ ‘లెనిన్’ (LENIN). మురళి కిషోర్ అబ్బూరు దర్శకత్వంలో నాగార్జున, నాగవంశీ సంయుక్తంగా నిర్మించిన ఈ సినిమా నేడు (జూలై 10) ప్రేక్షకుల ముందుకు వచ్చింది. మొదటి షో నుంచే పాజిటివ్ టాక్ తెచ్చుకున్న లెనిన్ మూవీ.. సినీ ప్రముఖులతో పాటు, ప్రేక్షకుల ప్రశంసలు అందుకుంటోంది. ముఖ్యంగా స్టార్ బ్యూటీ సమంత తన అఫీషియల్ ఇన్‌స్టాగ్రామ్ హ్యాండిల్ ద్వారా అఖిల్ కి, ‘లెనిన్’ చిత్ర బృందానికి స్పెషల్ విషెస్ చెప్పడం హాట్ టాపిక్ గా మారింది.

సమంత తన ఇన్‌స్టాగ్రామ్ స్టోరీలో ‘లెనిన్’ ట్రైలర్ ను షేర్ చేస్తూ అఖిల్ అక్కినేనిని ట్యాగ్ చేశారు. “లెనిన్ చిత్రానికి, అఖిల్ అక్కినేనికి, మొత్తం చిత్ర యూనిట్‌కు నా హృదయపూర్వక శుభాకాంక్షలు” అని ఆమె రాసుకొచ్చారు. అంతేకాకుండా, ఈ సినిమాకు సంబంధించి ఇప్పటికే తనకు “బిగ్ బ్లాక్‌బస్టర్ వైబ్స్” (Big Blockbuster Vibes) కనిపిస్తున్నాయంటూ ఎంతో పాజిటివ్‌గా స్పందించారు. తన పోస్ట్ చివర్లో బలాన్ని సూచించే ఆర్మ్ ఎమోజీలను కూడా జత చేస్తూ అఖిల్ కు పూర్తి మద్దతు ప్రకటించారు. సమంత చేసిన ఈ సడన్ పోస్ట్ సోషల్ మీడియాలో క్షణాల్లో వైరల్‌గా మారింది. ఈ ఇన్‌స్టాగ్రామ్ స్టోరీ అక్కినేని అభిమానులతో పాటు సాధారణ నెటిజన్ల దృష్టిని కూడా విపరీతంగా ఆకర్షించింది.

Lenin Movie, Akhil Akkineni, Samantha, TeluguOne