TS TET 2024 Updates : తెలంగాణ టెట్ (TS TET 2024)దరఖాస్తుల గడువును పెంచిన సంగతి తెలిసిందే. ఏప్రిల్ 20వ తేదీ వరకు అభ్యర్థులు దరఖాస్తు చేసుకోవచ్చు. అయితే ఇప్పటి వరకు దరఖాస్తు చేసుకున్న అభ్యర్థులకు అప్డేట్ ఇచ్చింది విద్యాశాఖ. అప్లికేషన్లలో ఏమైనా తప్పులు ఉంటే సవరించుకునే అవకాశాన్ని కల్పించింది. ఈ మేరకు వెబ్ సైట్ లో ఎడిట్(TS TET 2024 Application Edit option) ఆప్షన్ అందుబాటులోకి వచ్చింది. ఈ ఎడిట్ ఆప్షన్ తో మీ దరఖాస్తును ఎడిట్ చేసుకునే అవకాశం ఉంటుంది. అయితే ఈ అవకాశం ఒక్కసారి మాత్రమే ఉంటుంది. ఒక్కసారి ఎడిట్ చేసి సబ్మిట్ చేస్తే… మళ్లీ ఎడిట్ చేసుకునే అవకాశం ఉండదని అధికారులు స్పష్టం చేశారు.
