నరేంద్ర దామోదర్ దాస్ మోదీ.. భారత దేశంలో ఈ పేరు ఒక సంచలనం! ప్రజలను ప్రభావితం చేసే విధంగా ప్రసంగాలు చేయడంలోనైనా, విపక్షాలను తన వాఖ్చాతుర్యంతో ఇరకాటంలో పెట్టడంలోనైనా మోదీకి మోదీయే సాటి. ఒక్క మోదీ ఛరిష్మాతో, ‘మోదీ మేనియా’తో బీజేపీ ఎన్నో ఎన్నికలు సునాయాసంగా గెలిచిందంటే.. దేశ రాజకీయాల్లో నరేంద్రుడి ప్రభావం, ప్రజల్లో ఆయనకు ఉన్న క్రేజ్ అర్థమవుతుంది. గుజరాత్లోని వాద్నగర్లో ఎటువంటి రాజకీయ నేపథ్యం లేని ఒక సాధారణ మధ్యతరగతి హిందూ కుటుంబం నుంచి వచ్చిన వ్యక్తి వరుసగా మూడోసారి ప్రధాని బాధ్యతలు చేపట్టడం అంటే మామూలు విషయం కాదు! దేశంలో కాంగ్రెసేతర ప్రధానిగా అత్యధిక కాలం పనిచేసిన వ్యక్తిగా మోదీ సృష్టించిన రికార్డును బద్దలు కొట్టడం ఇప్పట్లో మరెవరికీ సాధ్యం కాదు! ప్రధాని మోదీ 74వ జన్మదినం సందర్భంగా.. ఒక సాధారణ ఆర్ఎస్ఎస్ కార్యకర్త నుంచి వరుసగా మూడుసార్లు భారత ప్రధాని వరకు ఆయన ప్రయాణం గురించి ఇక్కడ తెలుసుకోండి..
