posted on Apr 22, 2024 9:49AM
అయితే రాష్ట్రంలో జగన్ ప్రభుత్వానికి వ్యతిరేకంగా గళమెత్తుతున్న వారిపై పోలీసుల సహకారంతో ఉక్కుపాదం మోపుతున్నారు. ఎన్నికల కోడ్ అమలులో ఉన్నా పోలీసులు ప్రభుత్వం తరఫున ఏకపక్షంగా వ్యవహరిస్తున్నారన్న విమర్శలు వెల్లువెత్తుతున్నాయి. పోలీసుల తీరుపై, కొందరు ఐఏఎస్, ఐపీఎస్ లు జగన్ కు అండగా వ్యవహరిస్తున్న వైనంపై ఎన్నికల సంఘానికి ఇప్పటికే ఎన్నో ఫిర్యాదులు అందాయి. స్వయంగా రాష్ట్ర ఎన్నికల కమిషనర్ మీనా ఫిర్యాదులపై కేంద్ర ఎన్నికల సంఘం స్పందన కోసం వేచి ఉన్నామని ప్రకటించిన సంగతి కూడా తెలిసిందే.
అయితే ఇప్పుడు జగన్ పాలనలో జరుగుతున్న ఆరాచకాలపై హస్తిన వేదికగా కూడా నిరసనలు వ్యక్తం అవుతున్నాయి. గుంటూరుకు చెందిన కోవూరి లక్ష్మి అనే మహిళ జగన్ అరాచకపాలనకు నిరసనగా ఢిల్లీలోని ఇండియా గేట్ వద్ద తన బొటన వేలు కోసుకున్నారు. మాజీ హోంమంత్రి సుచరిత అనుచరుల అక్రమాలను వివరిస్తూ ఇండియా గేట్ వద్ద తన అనుచరులతో నిరసనకు దిగిన ఆమె.. గుంటూరు జిల్లా ప్రత్తిపాడు నియోజకవర్గంలో జరుగుతున్న అన్యాయాలు, అక్రమాలు, అవినీతిపై ప్రసంగిస్తూ అకస్మాత్తుగా తన బొటన వేలు కోసుకున్నారు.
జగన్ అరాచకపాలన, వైసీపీ నేతల అన్యాయాలు, అక్రమాలు, దౌర్జన్యాలు, అవినీతిపై రాష్ట్రపతి ద్రౌపది ముర్ము, ప్రధాని నరేంద్రమోడీ, సీజేఐ చంద్రచూడ్ లకు ఫిర్యాదు చేసే ఉద్దేశంతో మహిళా సంఘాలు, ప్రజా సంఘాల నేతలతో కలిసి హస్తిన వచ్చిన లక్ష్మి వారిని కలిసేందుకు అవకాశం దక్కక పోవడంతో వారి వారి కార్యాలయాలలో ఫిర్యాదులు అందజేసి ఆదివారం సాయంత్రం ఇండియా గేట్ వద్ద నిరసన చేపట్టారు. ఆ నిరసనలో భాగంగా తన బొటన వేలు తెగ్గోసుకున్నారు.
