భారత దిగ్గజం సునీల్ గవాస్కర్ ఆయన కాలంలో టీమిండియా తరఫున అదరగొట్టారు. ఏకంగా 34 టెస్టు సెంచరీలు చేశారు. టెస్టుల్లో 10వేల పరుగులు చేసిన తొలి బ్యాటర్‌గా రికార్డులకెక్కారు. ఆయన తర్వాతి తరంలో సచిన్ టెండూల్కర్.. అనేక ఘనతలు సాధించారు. క్రికెట్ దేవుడిగా ఖ్యాతి గడించారు. క్రికెట్‍‍లో అత్యధిక సెంచరీలు, అత్యధిక పరుగులు, అత్యధిక మ్యాచ్‍లు.. ఇలా లెక్కకు మిక్కిలి రికార్డులు ఇప్పటికే సచిన్ పేరిటే ఉన్నాయి. మహేంద్ర సింగ్ ధోనీ.. కెప్టెన్‍గా భారత్‍కు టీ20, వన్డే ప్రపంచకప్‍లు, చాంపియన్స్ ట్రోఫీ టైటిళ్లను అందించారు. ధనాధన్ బ్యాటింగ్‍తో చాలా మ్యాచ్‍ల్లో భారత్‍ను గెలిపించారు. అయితే, గవాస్కర్, సచిన్, ధోనీ కన్నా తన దృష్టిలో కోహ్లీనే బెస్ట్ అని గవాస్కర్ చెప్పారు.
