Covid JN1 cases in India : న్యూ ఇయర్ వేడుకల కోసం దేశం సన్నద్ధమవుతున్న సమయంలోనే కొవిడ్ కొత్త సబ్వేరియంట్ జేఎన్.1 కేసులు పెరుగుతున్నట్టు వస్తున్న వార్తలు ఆందోళనకు గురిచేస్తున్నాయి. మరీ ముఖ్యంగా నూతన ఏడాది సంబరాల హడావుడి అధికంగా ఉండే గోవాలోనే ఈ సబ్ వేరియంట్ కేసులు అధికంగా నమోదవుతుండటం మరింత ఆందోళనకర విషయం. ఆదివారం నాటికి.. దేశంలో మొత్తం 63 జేఎన్.1 సబ్ వేరియంట్ కేసులు ఉండగా, వాటిల్లో 34.. గోవాలోనే రికార్డ్ అయ్యాయి. మహారాష్ట్రలో 9, కర్ణాటకలో 8, కేరళలో 6, తమిళనాడులో 4, తెలంగాణలో 1 కేసు వెలుగులోకి వచ్చింది. ఈ మేరకు కేంద్ర ఆరోగ్యశాఖ సోమవారం ఓ నివేదికను విడుదల చేసింది.
