కాంగ్రెస్ కు కొత్తేం కాదు..!
అధికారంలో ఉన్న రాష్ట్రాల్లో సీఎంలను మార్చడం కాంగ్రెస్ కు కొత్త విషయమేమి కాదు. ఒక్క ఉమ్మడి ఆంధ్రప్రదేశ్ రాజకీయాల గురించే మాట్లాడుకుంటే.. 1957లో ఇద్దరు సీఎంలు, 1962లో ఇద్దరు, 1978 లో నలుగురు, 1989లో ముగ్గురు, 2009లో నాటి సీఎం డాక్టర్ వైఎస్ రాజశేఖర్ రెడ్డి హఠాన్మరణం తర్వాత కొణిజేటి రోశయ్య, ఆయనను మార్చి ఎన్.కిరణ్ కుమార్ రెడ్డి ఇలా సీఎంలను మార్చివేస్తూ వచ్చింది. తెలంగాణ రాష్ట్ర ఆవిర్భావం తర్వాత పదేళ్లకు అధికారంలోకి వచ్చిన కాంగ్రెస్ లో ఇపుడు సీఎం మార్పుపై ప్రచారం జరుగుతోంది. పార్టీ అధికారంలోకి వచ్చి తొమ్మిది నెలలు అవుతోంది. నిండా ఏడాది గడవక ముందే జరుగుతున్న ఈ ప్రచారంపై భిన్నాభిప్రాయాలు వ్యక్తం అవుతున్నాయి.
