యాపిల్ విజన్ ప్రో వచ్చేస్తోంది..
యాపిల్ విజన్ ప్రో లాంచ్ కోసం యాపిల్ వేగంగా ఏర్పాట్లు చేసుకుంటోందని సమాచారం. లాంచ్ డేట్కి సంబంధించిన వివరాలు అతి త్వరలోనే బయటకి వస్తాయని తెలుస్తోంది. ఈ హెడ్సెట్ సేల్స్ కోసం తమ రీటైల్ ఉద్యోగులకు యాపిల్ ప్రత్యేక శిక్షణ కూడా ఇస్తోందట. ప్రతి రీటైల్ స్టోర్ నుంచి ముగ్గురు, నలుగురిని ఎంపిక చేసి, వారికి యాపిల్ సంస్థ శిక్షణ ఇస్తోంది. అనంతరం.. వారు, తమ స్టోర్స్కి వెళ్లి ఇతరులకు ట్రైనింగ్ ఇచ్చే విధంగా చర్యలు తీసుకుంటోంది. అంతేకాకుండా.. జనవరి 21 నుంచి ఎక్స్ట్రా సెషన్స్ని కూడా నిర్వహించే యోచనలో యాపిల్ సంస్థ ఉందని సమాచారం.
