పబ్లిక్ వైఫైని వాడవద్దు
ప్రయాణాల సమయంలో, బహిరంగ ప్రదేశాల్లో ఉన్నప్పుడు, రెస్టారెంట్స్, పబ్లిక్ ప్లేసెస్ కు వెళ్లినప్పుడు చాలా మంది పబ్లిక్ వైఫైని వాడుతుంటారు. అలా పబ్లిక్ వైఫై (public WiFi) ను వాడుతున్నట్లయితే, ఎట్టి పరిస్థితుల్లోనూ మీ మొబైల్ బ్యాంకింగ్ యాప్ లోకి లాగిన్ అవ్వకండి. పబ్లిక్ వైఫై కనెక్షన్లు హ్యాకర్లకు ఆటస్థలాల వంటివి. వారు పబ్లిక్ వైఫై నెట్వర్క్ ను వాడుతున్న స్మార్ట్ ఫోన్స్ ను ఈజీగా హ్యాక్ చేయగలుగుతారు. ఒకవేళ పబ్లిక్ వైఫై కనెక్షన్ ఉపయోగించవలసి వస్తే, రక్షణ కోసం ఎల్లప్పుడూ VPN యాప్స్ ను ఉపయోగించండి. ఇంకా మంచి విషయం ఏంటంటే, మొబైల్ బ్యాంకింగ్ యాప్స్ ను వాడేటప్పడు ఎల్లప్పుడూ మొబైల్ డేటా లేదా మీకు నమ్మకమైన ఇంటి వైఫై నెట్వర్క్ ను ఉపయోగించండి.
