Lok Sabha Election Schedule : మరికొద్ది సేపట్లో లోక్​సభ, ఏపీ ఎన్నికల షెడ్యూల్​ విడుదల..-2024 lok sabha election schedule live updates election commission of india bjp congress ,జాతీయ

ఆంధ్రప్రదేశ్​లో మొత్తం 175 సీట్లు ఉన్నాయి. ప్రభుత్వాన్ని ఏర్పాటు చేయాలంటే.. మెజారిటీ ఫిగర్​ 88ని దాటాలి. జగన్​ నేతృత్వంలోని వైసీపీ.. ఇక్కడ ప్రస్తుతం అధికారంలో ఉంది

లోక్​సభలో మొత్తం 545 సీట్లు ఉంటాయి. వీటిల్లో 543 సీట్లకు ఎన్నికలు జరుగుతాయి. ఏప్రిల్​ నుంచి మే మధ్య వరకు పోలింగ్​ ప్రక్రియ సాగుతుంది. సాధారణంగా మే చివరి వారంలో ఫలితాలు వెలువడతాయి.

2024 లోక్​సభ ఎన్నికల్లో గెలిచి.. హ్యాట్రిక్​ సాధించాలని ప్రధాని మోదీ నేతృత్వంలోని ఎన్​డీఏ భావిస్తోంది. మోదీని ఢీకొట్టి, ఆయన్ని గద్దెదించేందుకు.. విపక్ష ఇండియా కూటమి సన్నద్ధమవుతోంది. ఈ నేపథ్యంలో.. ఈ దఫా ఎన్నికలపై సర్వత్రా ఆసక్తి, అంచనాలు పెరిగిపోయాయి.

ఎన్నికల తేదీలను ప్రకటించేందుకు.. శనివారం మధ్యాహ్నం 3 గంటలకు ప్రెస్​ మీటింగ్​ని నిర్వహిస్తుంది ఈసీ.

లోక్​సభతో పాటు ఆంధ్రప్రదేశ్​, అరుణాచల్​ ప్రదేశ్​, సిక్కిం, ఒడిశాల్లో అసెంబ్లీ ఎన్నికలు జరగనున్నాయి. లోక్​సభ ఎన్నికల షెడ్యూల్​తో పాటు.. ఆయా అసెంబ్లీ ఎన్నికల షెడ్యూల్​ను కూడా ప్రకటించనుంది ఎన్నికల సంఘం

యావత్​ భారత దేశం ఎదురుచూస్తున్న ఘట్టానికి సమయం ఆసన్నమైంది. 2024 లోక్​సభ ఎన్నికలపై ఎన్నికల సంఘం (ఈసీ) నుంచి కీలక అప్డేట్​ వచ్చింది. శనివారం మధ్యాహ్నం 3 గంటలకు.. లోక్​సభ ఎన్నికల షెడ్యూల్​ వెలువడనుంది.