మోటరోలా రేజర్ 50 ధర
మోటరోలా రేజర్ 50 మూడు కలర్ ఆప్షన్లలో లభిస్తుంది. అవి శాండ్ బీచ్, స్ప్రిట్జ్ ఆరెంజ్, కోలా గ్రే. అన్ని కలర్ వేరియంట్లలో వేగన్ లెదర్ బ్యాక్, అల్యూమినియం ఫ్రేమ్, స్టెయిన్ లెస్ స్టీల్ హింజ్, కార్నింగ్ గొరిల్లా గ్లాస్ విక్టస్ ప్రొటెక్షన్ ఉన్నాయి. మోటరోలా (motorola) రేజర్ 50తో, కంపెనీ 8 జీబీ ర్యామ్, 256 జీబీ స్టోరేజ్ వేరియంట్ ను మాత్రమే అందిస్తోంది. మోటరోలా రేజర్ 50 ధర రూ. 64999 గా నిర్ణయించారు. అయితే, ఈ స్మార్ట్ ఫోన్ పై మోటరోలా రూ.5000 ఫెస్టివల్ డిస్కౌంట్ (discount) ను అందిస్తోంది. ఈ డిస్కౌంట్ పరిమిత కాలానికి అందుబాటులో ఉంటుంది. మోటరోలా రేజర్ 50 ప్రీ-ఆర్డర్లు సెప్టెంబర్ 10 నుంచి ప్రారంభమయ్యాయి. మోటరోలా రేజర్ 50 సేల్ సెప్టెంబర్ 20 న ప్రారంభమవుతుంది. అమెజాన్ (amazon), మోటరోలా వెబ్సైట్, రిలయన్స్ డిజిటల్ స్టోర్లలో ఈ స్మార్ట్ ఫోన్ ను కొనుగోలు చేయవచ్చు.
