Carrot Pulao: క్యారెట్ రెసిపీలు ఎన్నో ఉన్నాయి. క్యారెట్ తో ఎక్కువగా స్వీట్లు తయారు చేస్తూ ఉంటారు. మరి కొందరు వీటితో కూరలు, వేపుడు చేస్తూ ఉంటారు. క్యారెట్‌తో పలావ్ చేసి చూడండి. రుచి అదిరిపోతుంది. నోరు చప్పగా ఉన్నప్పుడు, ఏదీ తినాలనిపించనప్పుడు ఇలా క్యారెట్ పలావ్ తింటే అదిరిపోతుంది. పచ్చిమిర్చిని కాస్త ఎక్కువ వేసుకుని స్పైసీగా వచ్చేలా చేయండి. ఆ రుచి మాములుగా ఉండదు. కాస్త కారం తగ్గిస్తే పిల్లల లంచ్ బాక్స్ రెసిపీ గా కూడా ఉపయోగపడుతుంది. దీన్ని ఇష్టంగా తింటారు. పిల్లలకు క్యారెట్ పలావ్ పెట్టి, కప్పు పెరుగును లంచ్ బాక్స్ లో పెట్టేస్తే సాయంత్రం వచ్చేసరికి బాక్స్ ఖాళీగా ఉండడం ఖాయం.
