Samsung Galaxy S25 Ultra price in India : శాంసంగ్ గెలాక్సీ ఎస్24 సిరీస్ విజయం సాధించడం, గెలాక్సీ ఏఐ పరిచయం తరువాత.. వచ్చే సంవత్సరం లాంచ్ అయ్యే గెలాక్సీ ఎస్ 25 సిరీస్పై ఫోకస్ పెట్టింది దిగ్గజ స్మార్ట్ఫోన్ తయారీ సంస్థ. శాంసంగ్ ఇప్పటికే గెలాక్సీ ఎస్25 అల్ట్రాపై అధికారికంగా పనిచేయడం ప్రారంభించిందని తాజా నివేదికలు చెబుతున్నాయి. ఈ స్మార్ట్ఫోన్ అధికారిక ప్రకటనకు ఇంకా ఆరు నెలల సమయం ఉన్నప్పటికీ, శాంసంగ్ వచ్చే ఏడాది కొత్త తరం ఎస్-సిరీస్ని మార్కెట్లోకి తీసుకురావడానికి సిద్ధంగా ఉందని తెలుస్తోంది. శాంసంగ్ గెలాక్సీ ఎస్25 అల్ట్రా గురించి కొత్త లీక్ ఏం చెబుతున్నాయో ఇక్కడ తెలుసుకుందాము.
