టాటా హారియర్ ఈవీ..
Tata Harrier EV launch in India : మచ్ అవైటెడ్ ఎలక్ట్రిక్ వెహికిల్స్ ఒకటి ఈ టాటా హారియర్ ఈవీ. టాటా మోటార్స్ తన ఫ్లాగ్షిప్ హారియర్ ఎస్యూవీలో వచ్చే ఏడాది ఎలక్ట్రిక్ వెర్షన్ను తీసుకురానున్నట్లు ధృవీకరించింది. హారియర్ ఈవీ 2023 ఏడాది ప్రారంభంలో జరిగిన ఆటో ఎక్స్పోలో అరంగేట్రం చేసింది. జెన్ 2 ఈవీ ఆర్కిటెక్చర్పై నిర్మించిన హారియర్ ఈవీలో వీ2ఎల్, వీ2వీ ఛార్జింగ్ సౌకర్యాలు ఉంటాయి. హారియర్ ఈవీని రాబోయే కొన్ని నెలల్లో విడుదల చేయడానికి ముందు స్పాట్ టెస్టింగ్ చేస్తున్నారు. అయితే ఈ ఎలక్ట్రిక్ ఎస్యూవీ రేంజ్, పెర్ఫార్మెన్స్, ఫీచర్ల పరంగా ఏం అందిస్తుందనే దాని గురించి చాలా తక్కువ వివరాలు అందుబాటులో ఉన్నాయి.
