అదరగొట్టిన క్లాసెన్, నితీశ్
అభిషేక్ 21 బంతుల్లోనే హాఫ్ సెంచరీ పూర్తి చేసుకున్నాడు. ఆ తర్వాత కూడా దూకుడుగా ఆడాడు. అయితే, 11వ ఓవర్లో ఔటయ్యాడు. ఆ తర్వాత హైదరాబాద్ బ్యాటర్లు హెన్రిచ్ క్లాసెన్, నితీశ్ కుమార్ రెడ్డి రెచ్చిపోయారు. క్లాసెన్ 26 బంతుల్లోనే 3 ఫోర్లు, 2 సిక్స్‌లతో 42 పరుగులు చేశాడు. నితీశ్ 25 బంతుల్లో 1 ఫోర్లు, 3 సిక్స్‌లతో 37 పరుగులు చేసి మెప్పించాడు. వీరిద్దరూ దూకుడుతో లక్ష్యం కరుగుతూ వచ్చింది. అయితే.. గెలుపుకు సమీపమైన తరుణంలో నితీశ్, క్లాసెన్ ఔటయ్యారు. చివర్లో అబ్దుల్ సమాద్ (11 నాటౌట్) నిలిచాడు. మొత్తంగా సన్‍రైజర్స్ హైదరాబాద్ అలవోకగా విజయం సాధించేసింది.
