శ్రీరామనవమి రోజు తాగే పానకం తయారు చేసే పద్ధతి ఇదే-bellam panakam recipe for sri ramanavami know how to make this in telugu ,లైఫ్‌స్టైల్ న్యూస్

ఈ బెల్లం పానకం మన ఆరోగ్యానికి ఎంతో మేలు చేస్తుంది. దీనిలో బెల్లం నీళ్లు, మిరియాలు, యాలకులు అధికంగా వినియోగిస్తాము. కాబట్టి ఈ పానకం తాగడం వల్ల శరీరానికి చలువ చేస్తుంది. అలాగే మిరియాలు, యాలకుల వల్ల ఎలాంటి ఇన్ఫెక్షన్లు రాకుండా ఉంటాయి. ముఖ్యంగా పొట్టలో, గొంతు ఇన్ఫెక్షన్ తగ్గించడంలో ఈ పానకం ముందుంటుంది. బెల్లంలో ఐరన్ అధికంగా ఉంటుంది. కాబట్టి రక్తహీనత సమస్య ఉన్నవారు పానకాన్ని తాగితే ఎంతో మంచిది. మండే వేసవిలో ఈ పానకాన్ని కాస్త సేపు ఫ్రిజ్లో పెట్టుకొని తాగితే వెంటనే శక్తి అందుతుంది. ప్రాణం లేచి వచ్చినట్టు అనిపిస్తుంది. ఎండలో నుంచి వచ్చిన వారికి చల్లని పానకాన్ని అందించి చూడండి, వారికి ఎంత హాయిగా అనిపిస్తుందో.