AP SSC Results 2024 Date : ఏప్రిల్ చివరి వారంలో ఫలితాలు?
ఏపీలో మార్చి 18 నుంచి 30 వరకు పదో తరగతి పరీక్షలు (AP 10th Exams)జరిగిన విషయం తెలిసిందే. ఈ ఏడాది దాదాపు 6.30 లక్షలకు పైగా విద్యార్థులు పది పరీక్షలకు హాజరయ్యారు. పరీక్షల అనంతరం మూల్యాంకనం చేపట్టిన అధికారులు.. ఏప్రిల్ 8 నాటికి ప్రక్రియ పూర్తి చేశారు. అయితే జవాబు పత్రాలు మరోసారి పరిశీలించి, మార్కులు కంప్యూటీకరణ చేసే ప్రక్రియ కొనసాగుతోంది. ఈ ప్రక్రియ పూర్తి అయ్యేందుకు ఓ వారం పడుతుందని విద్యాశాఖ అధికారులు అంటున్నారు. రాష్ట్రంలో ఎన్నికల కోడ్ అమల్లో ఉన్న కారణంగా.. ఫలితాల విడుదలకు ఈసీ అనుమతి తప్పనిసరి. ఈసీ అనుమతి తొందరగా వస్తే ఏప్రిల్ చివరి వారంలో ఫలితాలు(AP 10th Results Date) విడుదల చేస్తారు. ఒకవేళ ఈసీ అనుమతి కాస్త ఆలస్యం అయితే మే మొదటి వారంలో ఫలితాలు విడుదల చేసే అవకాశం ఉందని పరీక్షల విభాగం అధికారులు అంటున్నారు.
