Nani33: దసరా కాంబినేషన్ రిపీట్.. అధికారికంగా ప్రకటించిన నాని .. మళ్లీ యాక్షన్ రూటే..

Nani 33: నేచురల్ స్టార్ నాని కెరీర్లో ‘దసరా’ సినిమాకు ప్రత్యేక స్థానం ఉంది. శ్రీకాంత్ ఓదెల దర్శకత్వం వహించిన ఈ చిత్రంలో రస్టిక్ మాస్ యాక్షన్ క్యారెక్టర్ చేశారు నాని. గతేడాది మార్చి 30వ తేదీన రిలీజైన ఈ చిత్రం భారీ బ్లాక్ బస్టర్ అయింది. యాక్షన్ అవతార్‌లో నాని యాక్టింగ్‍కు మరోసారి అందరూ ఫిదా అయ్యారు. నానికి తొలి రూ.100 కోట్ల కలెక్షన్ల మూవీగానూ దసరా నిలిచింది. అలాంటి సూపర్ హిట్ సినిమాకు నేటి (మార్చి 30, 2024)తో ఏడాది పూర్తయింది. ఈ సందర్భంగా నాని సర్‌ప్రైజింగ్ ప్రకటన చేశారు. శ్రీకాంత్ ఓదెలతో సినిమాను అనౌన్స్ చేశారు. దీంతో దసరా కాంబో మళ్లీ రిపీట్ కానుంది.