Mohammed Shami: భారత స్టార్ పేసర్ మహమ్మద్ షమీ గాయం వల్ల కొంతకాలంగా టీమిండియాకు దూరమయ్యాడు. గతేడాది స్వదేశంలో జరిగిన వన్డే ప్రపంచకప్ టోర్నీలో అత్యధిక వికెట్ల వీరుడిగా నిలిచిన షమీ.. ఆ తర్వాత గాయంతో మళ్లీ భారత జట్టులో బరిలోకి దిగలేదు. చీలమండ గాయం నుంచి ఇప్పుడిప్పుడే కోలుకుంటున్నాడు. ప్రస్తుతం సమయం దొరకడంతో కొన్ని ప్రైవేట్ కార్యక్రమాల్లో పాల్గొంటున్నాడు. తాజాగా, ఓ ఈవెంట్ కోసం హైదరాబాద్ వచ్చాడు షమీ.
