Ranji Trophy Record: మన దేశంలో అతిపెద్ద దేశవాళీ టోర్నమెంట్ అయిన రంజీ ట్రోఫీలో రైల్వేస్ టీమ్ చరిత్ర సృష్టించింది. త్రిపురతో జరిగిన తమ చివరి లీగ్ మ్యాచ్ లో అత్యధిక పరుగుల లక్ష్యాన్ని ఛేదించింది. సోమవారం (ఫిబ్రవరి 19) అగర్తలలో జరిగిన ఈ మ్యాచ్ చివరి రోజు ఆ టీమ్ ఏకంగా 378 పరుగుల లక్ష్యాన్ని ఛేజ్ చేయడం విశేషం. ప్రథమ్ సింగ్, సైఫ్ సెంచరీలు చేయడంతో రైల్వేస్ టీమ్ 5 వికెట్లు కోల్పోయి ఈ భారీ లక్ష్యాన్ని చేజ్ చేసింది.
