Sonia Gandhi assets: రాజ్యసభ ఎన్నికల్లో పోటీ చేస్తున్న కాంగ్రెస్ మాజీ అధ్యక్షురాలు సోనియా గాంధీ తన ఎన్నికల అఫిడవిట్ లో ఆస్తుల వివరాలను వెల్లడించారు. తనకు రూ.12.53 కోట్ల విలువైన ఆస్తులు ఉన్నాయని ఆమె వెల్లడించారు. ఇటలీలో తన తండ్రికి చెందిన రూ.27 లక్షల విలువైన ఆస్తిలో సోనియా గాంధీకి వాటా ఉంది. వీటితో పాటు 88 కిలోల వెండి, 1,267 గ్రాముల బంగారం, ఆభరణాలు ఉన్నాయి. ఢిల్లీలోని డేరా మండి గ్రామంలో సోనియా గాంధీకి మూడు బిగాల వ్యవసాయ భూమి ఉంది. ఎంపీ గా వచ్చే వేతనం, రాయల్టీ ఆదాయం, మూలధన లాభాలు తదితరాలను ఆమె ఆదాయంగా పేర్కొన్నారు.
