మన భారతీయ వంటకాలలో కిచిడీది ప్రత్యేక స్థానం. ముఖ్యంగా చలికాలంలో కిచిడిని అధికంగా తినే వారి సంఖ్య ఎక్కువ. అప్పటికప్పుడు చేసుకుని వేడివేడిగా తినేందుకు ఇది బాగుంటుంది. అంతే కాదు దీనిలో పెసరపప్పు, జీలకర్ర, అల్లం, వెల్లుల్లి, ఉల్లిపాయలు వంటి పదార్థాలు ఉన్నాయి. ఇవన్నీ కూడా మన ఆరోగ్యానికి మేలు చేసేవే. కాబట్టి అల్పాహారంలో తింటే రోజంతా మీరు ఉత్సాహంగా పనిచేయగలుగుతారు. ఒకరోజు ఈ కిచిడిని బ్రేక్ ఫాస్ట్ లో తిని చూడండి. ఆరోజు మీలో వచ్చే మార్పులు గమనించండి.