ఇందులో బాదంపప్పును వినియోగించాం, వీటిని తినడం వల్ల శరీరానికి ఎన్నో పోషకాలు లభిస్తాయి. వైద్యులు కూడా వీటిని కచ్చితంగా తినమని చెబుతారు. మరొక ముఖ్యపదార్థం పైనాపిల్. పైనాపిల్ అనేది విటమిన్ సి నిండిన పండు. దీనిలో కాల్షియం, మినరల్స్, ఫైబర్ పుష్కలంగా ఉంటాయి. దీన్ని తినడం వల్ల రోగనిరోధక శక్తి బలంగా మారుతుంది. కొన్ని రకాల అనారోగ్యాల బారిన పడకుండా ఉండవచ్చు. ముఖ్యంగా శీతాకాలంలో జలుబు, జ్వరం, దగ్గు వంటి వైరల్ ఇన్ఫెక్షన్ బారిన పడకుండా పైనాపిల్ లోని గుణాలు కాపాడుతాయి. ఆర్థరైటిస్ తో బాధపడేవారు పైనాపిల్ తో చేసిన వంటకాలు తినడం చాలా అవసరం.
