Prema Entha Madhuram December 20th Episode: ‘ప్రేమ ఎంత మధురం’ సీరియల్: శుభం పలికిన జోగమ్మ

<p><strong>Prema Entha Madhuram Today Episode:</strong> అక్కి, అభయ్ ఇద్దరు స్కూల్ నుంచి వస్తున్న సమయంలో జోగమ్మ కనిపిస్తుంది. ఆమె ఎవరికో జోష్యం చూసి చెప్తూ ఉంటుంది. అక్కడ ఉన్నవాళ్లు జోగమ్మను చూసి బాగా చెప్తుంది అనుకోవటం పిల్లలు వింటారు.</p>
<p><strong>అక్కి</strong>: ఆవిడ ఏ సమస్యకైనా పరిష్కారం చూపిస్తారట.. మనం కూడా నాన్న గురించి అడుగుదామా అని అంటుంది.</p>
<p>అభయ్ సరే అనడంతో ఇద్దరూ జోగమ్మ దగ్గరికి వెళ్తారు. వాళ్ళ సమస్య చెప్పబోతారు.</p>
<p><strong>జోగమ్మ</strong>: మీ తండ్రి కోసమే కదా మీ తపన అంటుంది.</p>
<p>ఆశ్చర్యపోయిన పిల్లలు మీకు ఎలా తెలుసు అని అడుగుతారు.</p>
<p><strong>జోగమ్మ</strong>: అమ్మకి అన్నీ తెలుసు.</p>
<p><strong>పిల్లలు</strong>: అయితే మా నాన్న కనిపిస్తారా</p>
<p><strong>జోగమ్మ</strong>: కళ్ళ ముందు ఉన్న బంధాన్ని కనిపెట్టలేకపోతున్నారు.. మీ రక్త సంబంధమే మీ బంధాన్ని కలుపుతుంది అంతా శుభమే జరుగుతుంది అని చెప్పడంతో నమస్కరించి అక్కడి నుంచి వెళ్ళిపోతారు పిల్లలు.</p>
<p>అప్పుడే మాల వేసుకుని ఉన్న సుబ్బు అటుగా వస్తూ కళ్ళు తిరిగి పడిపోతాడు.. అది చూసిన పిల్లలు అతనికి సపర్యలు చేస్తారు. ఇప్పుడు ఎలా ఉంది అని అడుగుతారు.</p>
<p><strong>సుబ్బు</strong>: అయ్యప్ప మాలలో ఉన్నాను కదా ఉపవాసం ఉన్నాను.. అందుకే కాస్త నీరసం వచ్చింది ఇప్పుడు బాగానే ఉంది.</p>
<p>పిల్లలు సుబ్బుని వాళ్ళ ఇంట్లో డ్రాప్ చేయడానికి వెళ్తారు. అప్పటికే పద్దు సుబ్బు ఇంకా రాలేదని కంగారు పడుతూ ఉంటుంది. పిల్లలతో సహా వచ్చిన సుబ్బుని చూసి ఎందుకు ఇంత లేట్ అయింది పిల్లలు ఎవరు అని అడుగుతుంది.</p>
<p><strong>పిల్లలు</strong>: వచ్చే దారిలో తాతయ్య కళ్ళు తిరిగి పడిపోయారు అని చెప్తారు.</p>
<p><strong>పద్దు</strong>: అయ్యో ఇప్పుడు ఎలా ఉంది? అందుకే ఒక్కడివే బయటికి వెళ్లొద్దని చెప్తాను అంటూ కోప్పడుతుంది.</p>
<p><strong>అక్కి</strong>: ఆయనని అలా తిడుతూనే ఉంటారా అంటుంది.</p>
<p>నవ్వుకుంటారు సుబ్బు దంపతులు. పిల్లలకి థాంక్స్ చెప్తుంది పద్దు.</p>
<p><strong>పిల్లలు</strong>: ఇందులో థాంక్స్ చెప్పడానికి ఏముంది ఎదుటివాళ్ళకి సాయం చేయటం చాలా మంచి విషయం అని చెప్పింది మా అమ్మ.</p>
<p>పద్దు అయితే మీ అమ్మ కూడా చాలా మంచిది అని చెప్పి పిల్లల్ని కూర్చొమని సున్నుండలు తీసుకువచ్చి ఇస్తుంది.</p>
<p><strong>అక్కి</strong>: నాకు సున్నుండలు అంటే చాలా ఇష్టం.. ఇంకొకటి ఇవ్వండి అనటంతో సుబ్బు దంపతులు ఇద్దరు ఎమోషనల్ అవుతారు.</p>
<p><strong>అక్కి</strong>: ఏమైంది అంటుంది.</p>
<p><strong>సుబ్బు:</strong> ఏమీ లేదమ్మా.. మా అమ్మాయికి కూడా సున్నుండలు అంటే చాలా ఇష్టం నిన్ను చూస్తుంటే అచ్చు మా అమ్మాయిలాగే కనిపిస్తున్నావు అంటుంది.</p>
<p>ఏం కాదు నేను మా అమ్మ పోలిక అంటుంది అక్కి.</p>
<p><strong>పద్దు</strong> : అయితే మా అమ్మాయి కూడా మీ అమ్మ లెక్క ఉంటుందేమో.</p>
<p><strong>అక్కి</strong>: మీ అమ్మాయి ఫోటో చూపించండి ఎలా ఉంటుందో చెప్తాను అనటంతో గోడకి ఉన్న అను ఫోటో చూపిస్తుంది పద్దు.</p>
<p>ఆ ఫోటోలు చూసిన పిల్లలిద్దరూ షాక్ అవుతారు. తను మా అమ్మే అని చెప్పబోతుంది అక్కి.</p>
<p><strong>అభయ్</strong>: మనం అమ్మ గురించి ఎవరికీ చెప్పమని మాటిచ్చాము చెప్పొద్దు అనటంతో ఊరుకుంటుంది.</p>
<p><strong>అక్కి</strong> : అయితే వీళ్ళు మనకి అమ్మమ్మ తాతయ్య అవుతారు వీళ్ళ దగ్గర మన నాన్న ఫోటో కూడా ఉండి ఉంటుంది అని అభయ్ తో అంటూ మీ అమ్మాయి ఫోటోలు ఇంకా ఉన్నాయా అని అడుగుతుంది.</p>
<p><strong>పద్దు</strong>: బోలెడన్ని ఉన్నాయి అని చెప్పి లోపలికి వెళ్లి ఆల్బమ్ తీసుకొని వచ్చి పిల్లలకు ఇస్తుంది. ఇంతటితో ఈరోజు ఎపిసోడ్ పూర్తవుతుంది.&nbsp;</p>
<p><strong>Also Read: <a title=”ప్రభాస్, ప్రశాంత్ నీల్&zwnj;లో అది కామన్, హీరోను ఇరిటేట్ చేశా – ఆసక్తికర విషయాలు బయటపెట్టిన శృతి హాసన్” href=”https://telugu.abplive.com/entertainment/cinema/shruti-haasan-reveals-interesting-facts-about-salaar-movie-prabhas-and-prashanth-neel-telugu-news-134209″ target=”_self”>ప్రభాస్, ప్రశాంత్ నీల్&zwnj;లో అది కామన్, హీరోను ఇరిటేట్ చేశా – ఆసక్తికర విషయాలు బయటపెట్టిన శృతి హాసన్</a></strong></p>