Bigg Boss Telugu Seasons: బిగ్ బాస్ గత సీజన్స్ విన్నర్స్ పరిస్థితి ఏంటి? ఎవరెవరు ఏం చేస్తున్నారంటే?

<p>Bigg Boss Telugu: బిగ్ బాస్ రియాలిటీ షో అనేది తెలుగులో ఏడు సీజన్స్ పూర్తి చేసుకుంది. దాంతో పాటు ఎక్స్&zwnj;క్లూజివ్&zwnj;గా ఒక ఓటీటీ సీజన్ కూడా పూర్తయ్యింది. అయితే ఓటీటీ సీజన్&zwnj;లో తప్పా మిగతా అన్ని సీజన్స్&zwnj;లో మగవారే విన్నర్స్ అయ్యారు. మరి అంతమంది అభిమానులను సంపాదించుకొని, ఓట్ల విషయంలో మిగతా అందరినీ దాటి విన్నర్స్ అయిన బిగ్ బాస్ కంటెస్టెంట్స్ అంతా ఇప్పుడు ఏం చేస్తున్నారు అంటూ సోషల్ మీడియాలో చర్చ మొదలయ్యింది.</p>
<p><strong>కనిపించని బిగ్ బాస్ విన్నర్..</strong><br />బిగ్ బాస్ సీజన్ 1 విన్నర్&zwnj;గా నిలిచాడు శివబాలాజీ. పలు సినిమాల్లో క్యారెక్టర్ ఆర్టిస్ట్&zwnj;గా నటించిన శివబాలాజీ.. బిగ్ బాస్ హౌజ్&zwnj;లో తనలాగే ఉంటూ.. పెద్దగా నటించకుండా అభిమానులను ఆకట్టుకున్నాడు. అందుకే విన్నర్ అయ్యాడు. మరి విన్నర్ అయిన తర్వాత శివబాలాజీ ఏం చేస్తున్నాడు అని తెలుసుకోవాలని బిగ్ బాస్ ప్రేక్షకులు ప్రయత్నాలు మొదలుపెట్టారు. క్యారెక్టర్ ఆర్టిస్టుగా సినిమాలు తగ్గిపోయినా.. పలు షోలలో కంటెస్టెంట్&zwnj;గా, జడ్జిగా కూడా వ్యవహరించాడు శివబాలాజీ.</p>
<p><strong>ఫలించని కౌశల్ ఆర్మీ కష్టం..</strong><br />బిగ్ బాస్ సీజన్ 2లో ఎవరు విన్నర్ అవుతారు అనేది చాలా ఆసక్తికరంగా మారింది. కౌశల్&zwnj;ను అందరూ టార్గెట్ చేస్తున్నారని జాలితో ఆడియన్స్ అంతా ఏకగ్రీవంగా తనను విన్నర్ చేశారు. మరి అంత హడావిడి చేసి ఆడియన్స్ కలిసి విన్నర్ చేసిన కౌశల్.. ప్రస్తుతం ఏం చేస్తున్నాడు అని అడిగితే ఎవరి దగ్గర సమాధానం లేదు. బిగ్ బాస్ అయిపోయిన తర్వాత కొంతకాలం వరకు షాప్ ఓపెనింగ్స్&zwnj;కు పాల్గొన్న కౌశల్.. ఇప్పుడు బిగ్ బాస్ షోపై రివ్యూలు ఇస్తున్నాడు.</p>
<p><strong>ఆస్కార్ స్టేజ్&zwnj;పై బిగ్ బాస్ కంటెస్టెంట్..</strong><br />బిగ్ బాస్ సీజన్ 3 విన్నర్ అయిన రాహుల్ సిప్లిగంజ్ జీవితంలో పెద్దగా మార్పులు రాలేదు. బిగ్ బాస్&zwnj;లోకి వచ్చేముందు పాటలు పాడుతూ బిజీగా ఉన్న రాహుల్.. తర్వాత కూడా అదే ప్రొఫెషన్&zwnj;లో బిజీ అయిపోయాడు. అదనంగా కొన్ని షోలలో కూడా పాల్గొన్నాడు. &lsquo;నాటు నాటు&rsquo; అనే పాటతో ఆస్కార్ స్టేజ్&zwnj;పై పాల్గొనే అవకాశం లభించింది. ఇప్పుడు తను బిగ్ బాస్&zwnj;లో పాల్గొన్న విషయాన్ని కూడా అందరూ మర్చిపోయినా.. ఆస్కార్ పాట పాడిన సింగర్&zwnj;గా మిగిలిపోయాడు రాహుల్.</p>
<p><strong>ఛలో అమెరికా..</strong><br />బిగ్ బాస్ సీజన్ 4లో అభిజిత్ విన్నర్&zwnj;గా నిలిచాడు. &lsquo;లైఫ్ ఈజ్ బ్యూటీఫుల్&rsquo;తో హీరోగా పరిచయమయ్యాడు అభిజిత్. బిగ్ బాస్&zwnj;లో మైండ్ గేమ్స్ ఆడి విన్నర్ అయిన తర్వాత అభిజిత్.. మళ్లీ సినిమాల్లో బిజీ అవుతాడని అనుకున్నారు. కానీ విన్నర్ అయిన తర్వాత తిరిగి అమెరికాకే వెళ్లిపోయాడు. సోషల్ మీడియాలో మాత్రమే ఫ్యాన్స్&zwnj;తో టచ్&zwnj;లో ఉంటూ తన పర్సనల్ లైఫ్ గురించి పోస్టులు పెడుతుంటాడు.</p>
<p><strong>హీరోగా మారాడు..</strong><br />బిగ్ బాస్ సీజన్ 5 విన్నర్ వీజే సన్నీ హీరో అయిపోయాడు. బిగ్ బాస్&zwnj;కు ముందు జర్నలిస్ట్&zwnj;గా, యాంకర్&zwnj;గా, సీరియల్ హీరోగా, సినిమాల్లో క్యారెక్టర్ ఆర్టిస్టుగా పేరు తెచ్చుకున్న సన్నీకి ఇప్పుడు ఏకంగా హీరో ఛాన్సులు వస్తున్నాయి. ఇప్పటికే తను హీరోగా నటించిన పలు చిత్రాలు థియేటర్లలో సందడి చేశాయి. బ్యాక్ టు బ్యాక్ సినిమా ఆఫర్లు వస్తున్నా.. హీరోగా తగిన గుర్తింపు మాత్రం సాధించలేకపోయాడు.</p>
<p><strong>పెద్దగా మార్పు లేదు..</strong><br />బిగ్ బాస్ సీజన్ 6లో విన్నర్ అయిన రేవంత్ జీవితంలో కూడా పెద్దగా మార్పులు రాలేదు. బిగ్ బాస్&zwnj;కంటే ముందే సింగర్&zwnj;గా తగిన గుర్తింపు సంపాదించుకున్నాడు రేవంత్. అందుకే బిగ్ బాస్ విన్నర్ అయినా కూడా అది తన కెరీర్&zwnj;లో ఒక చాప్టర్&zwnj;లాగా మాత్రమే మిగిలిపోయింది. ఎప్పటిలాగానే సినిమాల్లో పాటలు పాడుతూ బిజీగా గడిపేస్తున్నాడు.</p>
<p><strong>పల్లవి ప్రశాంత్ పరిస్థితి కూడా అంతే..</strong><br />ఇక తాజాగా బిగ్ బాస్ సీజన్ 7లో విన్నర్ అయ్యాడు పల్లవి ప్రశాంత్. ఇప్పుడు ఎంత క్రేజ్ ఉన్నా.. కొంతకాలం తర్వాత ప్రశాంత్ గురించి కూడా అందరూ మర్చిపోతారు అని హేటర్స్ విమర్శిస్తున్నారు. బిగ్ బాస్ ఓటీటీలో విన్నర్ అయిన బిందుమాధవి.. ఈ రియాలిటీ షోలో విన్నర్ అయిన ఒకేఒక్క లేడీ కంటెస్టెంట్&zwnj;గా రికార్డ్ సాధించింది. ఒకప్పుడు తెలుగులో హీరోయిన్&zwnj;గా నటించినా.. కొన్నాళ్ల తర్వాత బిందుమాధవి గురించి అందరూ మర్చిపోయారు. కానీ బిగ్ బాస్ తర్వాత మళ్లీ బ్యాక్ టు బ్యాక్ వెబ్ సిరీస్ ఆఫర్లతో బిజీ అయ్యింది ఈ తెలుగమ్మాయి.</p>
<p><strong>Also Read: <a title=”నాకేమైనా పర్లేదు, ఎక్కడికి రమ్మంటారో చెప్పండి వస్తాను – అమర్ ఎమోషనల్ వీడియో” href=”https://telugu.abplive.com/entertainment/bigg-boss/amardeep-responds-on-attack-on-his-car-and-requests-people-to-not-repeat-it-134396″ target=”_self”>నాకేమైనా పర్లేదు, ఎక్కడికి రమ్మంటారో చెప్పండి వస్తాను – అమర్ ఎమోషనల్ వీడియో</a></strong></p>