రషీద్ పోరాడటంతో ఆ మాత్రం..
రాహుల్ తెవాతియా (10) కాసేపు నిలువగా.. షారుఖ్ ఖాన్ (0) డకౌట్ అయ్యాడు. అయితే, గుజరాత్ స్టార్ రషీద్ ఖాన్ ఒంటరిగా పోరాడాడు. ఘోర అవమానం ఎదురవకుండా జట్టును కాపాడాడు. ఓ ఎండ్‍లో వికెట్లు పడుతున్నా.. నిలకడగా పరుగులు రాబట్టాడు. 24 బంతుల్లోనే 2 ఫోర్లు, 1 సిక్స్‌తో 31 రన్స్ చేశాడు రషీద్. అతడికి మోహిత్ శర్మ (2) కాసేపు తోడుగా నిలిచాడు. అయితే, 18వ ఓవర్లో రషీద్ ఖాన్‍ను ఢిల్లీ పేసర్ ముకేశ్ కుమార్ ఔట్ చేశాడు. మోహిత్ శర్మ (2), నూర్ అహ్మద్ (1) కూడా త్వరగానే వెనుదిరిగారు. దీంతో గుజరాత్ నిలువలేకపోయింది. 89 పరుగులకే ఆలౌటైంది.