యశస్వికి నో ఛాన్స్.. బ్యాకప్‍గా గిల్?
ఈ ఏడాది ఇంగ్లండ్‍తో టెస్టు సిరీస్‍లో భారత యంగ్ స్టార్ ఓపెనర్ యశస్వి జైస్వాల్ విజృంభించాడు. డబుల్ సెంచరీలతో రెచ్చిపోయాడు. అయితే, ప్రస్తుత ఐపీఎల్ సీజన్‍లో రాజస్థాన్ రాయల్స్ తరఫున ఇప్పటి వరకు 7 మ్యాచ్‍ల్లో కేవలం 121 పరుగులే చేశాడు జైస్వాల్. త్వరగా ఔటవుతూ నిరాశపరుస్తున్నాడు. ఫామ్ కోల్పోయాడు. దీంతో టీ20 ప్రపంచకప్‍కు జైస్వాల్‍ను పక్కన పెట్టాలని సెలెక్టర్లు ప్రస్తుతం భావిస్తున్నట్టు తెలుస్తోంది. ఒకవేళ తదుపరి మ్యాచ్‍ల్లో అద్భుత బ్యాటింగ్ చేస్తే తప్ప వరల్డ్ కప్‍లో అతడికి చోటు దక్కడం కష్టమే. ఇక, శుభ్‍మన్ గిల్‍ను బ్యాకప్ ఓపెనర్‌గా ప్రపంచకప్‍కు తీసుకోవాలని సెలెక్టర్లు భావిస్తున్నారని తెలుస్తోంది.
