శరీరం ఎంత హైడ్రేటెడ్ గా ఉంటే అంతగా మీరు ఆనందంగా ఉంటారు. మీ జీవక్రియ ప్రారంభించడానికి, రాత్రి నిద్రలో వచ్చిన డిహైడ్రేషన్ సమస్యను ఎదుర్కోవడానికి ఉదయాన్నే గ్లాస్ నీటిని తాగడం చాలా అవసరం. శరీరంలో కోల్పోయిన ద్రవాలను నింపాల్సిన బాధ్యత మీదే. ఉదయాన్నే గ్లాసుడు సాధారణ నీళ్లను తాగడం అలవాటు చేసుకోండి. లేదా గోరువెచ్చని నీళ్లను, ఆ గోరువెచ్చని నీళ్లలో నిమ్మరసం వేసుకొని తాగడం వంటివి చేస్తే ఎంతో మంచిది. ఇక బ్రేక్ ఫాస్ట్ లో పండ్లు, కూరగాయలు, లీన్ ప్రోటీన్లు, ఆరోగ్యకరమైన కొవ్వులు ఉన్న ఆహారాలను ఎంచుకొని తినాలి. ఇలా చేయడం వల్ల రోజంతా శక్తి స్థిరంగా అందుతుంది. మానసిక స్థితి మెరుగుపడుతుంది.
