Avoid Meat: ప్రపంచంలో శాకాహారులుగా మారుతున్న వారి సంఖ్య పెరుగుతోంది. ఎంతోమంది మాంసాహారాన్ని విడిచి పెడుతున్నారు. మాంసాహారులు, శాఖాహారులుగా మారేందుకు ఎన్నో కారణాలు ఉన్నాయి. ముఖ్యంగా శరీరం బరువు తగ్గేందుకు, శరీరానికి ఎక్కువ ఆరోగ్యాన్ని అందించేందుకు ఇలా చేస్తున్నారు. అలాగే మాంసం వల్ల వచ్చే ఇతర సమస్యలు రాకుండా ఉండేందుకూ శాకాహారులుగా మారుతున్నారు. శాఖాహారంలో అన్నీ మొక్కల ఆధారిత ఆహారాలే ఉంటాయి. ఇది గుండెకు, మూత్రపిండాలకు, రక్తనాళాలకు ఎంతో మేలు చేస్తాయి. గుండె జబ్బులు, టైప్ 2 డయాబెటిస్, క్యాన్సర్, అధిక రక్తపోటు వంటి సమస్యలు రాకుండా అడ్డుకునే శక్తి వీటికి ఉంది. అందుకే ఎంతోమంది మాంసాన్ని విడిచి శాఖాహారులుగా మారేందుకు ఇష్టం చూపిస్తున్నారు.
